Qo'rg'ontepa tumanidagi "Yangi obod" mahalla fuqarolar yig'inida ichki yo'llarni asfaltlash ishlari boshlandi. Bu haqda tuman hokimligi axborot xizmati xabar berdi.
Mahalla "Tashabbusli byudjet" loyihasida g'olib chiqgani sababli ushbu imkoniyatga ega bo'ldi. Mazkur loyiha doirasida aholi tomonidan taklif etilgan va ovoz berish orqali tanlangan infratuzilma loyihalari amalga oshiriladi.
Hozirgi kunda mahalla hududida yo'l qoplama ishlari olib borilmoqda, bu esa mahalla aholisi uchun qulay va xavfsiz harakatlanish sharoitlarini yaratishga xizmat qiladi.
Tuman hokimligi bunday loyihalar orqali mahallalardagi infratuzilma muammolarini bosqichma-bosqich hal etishni davom ettirmoqda.
