O'zbekiston bo'ylab 13 yoshgacha bo'lgan yosh futbolchilar o'rtasida respublika kubogi musobaqalari yakunlandi. Turnirda mamlakatning turli viloyatlaridan o'g'il va qiz bolalar jamoalari ishtirok etib, g'alaba uchun qizg'in kurash olib borishdi.
Qizlar o'rtasidagi musobaqada Andijon viloyati terma jamoasi birinchi o'rinni qo'lga kiritdi. Ulardan keyin Samarqand viloyati jamoasi ikkinchi, Jizzax viloyati jamoasi esa uchinchi o'rinni egalladi.
O'g'il bolalar o'rtasidagi bellashuvda esa Jizzax viloyati jamoasi g'olib chiqdi, Andijon viloyati jamoasi ikkinchi, Xorazm viloyati jamoasi uchinchi o'rinni qo'lga kiritdi.
Musobaqa yakunida g'olib va sovrindor jamoalar tegishli diplom hamda kubok bilan taqdirlandi. Tashkilotchilar bellashuvning yuqori raqobat muhitida, murosasiz va qizg'in bahslarga boy tarzda o'tganini ta'kidladi.
