Fuqarolarning qonuniy huquq va manfaatlarini himoya qilish, ularni tashvishga solayotgan masalalarni hal etish maqsadida 18-oktyabr (yakshanba) kuni soat 10:00dan boshlab Andijon viloyati Ichki ishlar boshqarmasi boshlig'i, polkovnik Abdumajid Shermuxamedovning viloyat aholisi uchun shaxsiy qabuli o'tkaziladi. Qabul Andijon shahridagi A. Navoiy shox ko'chasi, 26-uyda joylashgan IIB binosida bo'lib o'tadi.
Shu bilan birga, xuddi shu kuni va vaqtda barcha shahar va tuman ichki ishlar organlari rahbarlarining ham shaxsiy qabullari o'z hududlaridagi IIB binolarida tashkil etiladi. Jumladan, Andijon shahar IIB boshlig'i podpolkovnik Azizbek Minositdinov, Andijon tumani IIB boshlig'i polkovnik Omadjon Akbarov hamda Asaka tumani IIB boshlig'i podpolkovnik Shoxruh Nazirov kabi rahbarlar o'z hududlarida fuqarolarni kutib oladi.
Shunga o'xshash qabullar Baliqchi, Bo'ston, Buloqboshi, Jalaquduq, Izboskan, Qo'rg'ontepa, Marhamat, Oltinko'l, Paxtaobod, Ulug'nor, Xonobod shahar, Xo'jaobod va Shahrixon tumanlari IIB binolarida ham soat 10:00dan boshlab o'tkaziladi. Har bir hudud uchun aniq manzil oldindan belgilab qo'yilgan.
Ushbu tadbir orqali aholiga ichki ishlar organlariga bevosita murojaat qilish va o'z muammolari yuzasidan rahbarlar bilan to'g'ridan-to'g'ri muloqot qilish imkoniyati yaratiladi.
