Andijon viloyati Kadastr agentligi Bo'ston tuman bo'limi tomonidan yil davomida yer qonunchiligiga rioya etilishi yuzasidan muntazam nazorat tadbirlari olib borilmoqda. Ushbu tekshiruvlar doirasida tumanda yer resurslaridan noqonuniy foydalanish holatlari fosh etilgan.
2026-yilning yakunlangan davri mobaynida o'tkazilgan nazorat natijasida 103 holatda jami 0,4 gektar yer maydoni o'zboshimchalik bilan egallab olingani ma'lum bo'ldi.
Shu bilan birga, hisobot davri davomida yer qonunchiligi hujjatlarini buzganlik uchun 150 holatda ma'muriy huquqbuzarlik to'g'risida bayonnomalar rasmiylashtirilgani qayd etildi.
Agentlik ma'lumotlariga ko'ra, aniqlangan holatlar bo'yicha batafsil ma'lumot infografika shaklida taqdim etilgan. Tuman hududida yer resurslaridan oqilona va qonuniy foydalanish ustidan nazorat davom ettirilmoqda.
